Source: officialtimyap (IG)
Kinilala bilang mga Elegant Filipina sina Kapuso Primetime Queen, Marian Rivera, at GMA’s Senior Vice President, Atty. Annette Gozon-Valdes sa prestihiyosong Tingting’s List 2025.

Matapos ang ilang taong hiatus, pinarangalan ang ilan sa mga prominenteng Filipina na kilala sa kanilang grace, style, at advocacy sa katatapos lamang na Tingting’s List 2025 Gala Night noong November 5 sa Shangri-La Makati.

Ang prestihiyosong fundraising event, sa pangunguna ng philantrophist na si Maragrita ‘Tingting’ Cojuangco, ay naglalayong kilalanin ang mga kababaihang Pilipino na ang ganda ay nanggagaling sa kanilang mga adbokasiya.

Ang parangal ay nagbigay-pugay sa kanilang ‘elegance of purpose’, ang paggamit ng kanilang impluwensiya para sa makabuluhang layunin at pagtulong sa kapwa.

Ang mga kababaihang kabilang ngayong taon ay sina: Alice Eduardo, Margarita Gutierrez, Crystal Jacinto, Pia Wurtzbach-Jauncey, Vanessa Ledesma, Linda Ley, Janet Olivarez, Joy Rustia.

Ginawaran din bilang mga Elegant Filipina si Kapuso Primetime Queen Marian Rivera at GMA Network’s Senior Vice President for Programming, Talent Management, Worldwide, and Support Group, and President of GMA Films Atty. Annette Gozon-Valdes.

Source: lalunaloca (IG)

Source: marianrivera (IG)

Kabilang din si Megastar Sharon Cuneta, kung saan ang kanyang anak na si KC Concepcion ang tumanggap ng parangal.

Source: marianrivera (IG)

Tumanggap din ng parangal si Miss Universe 2015, Pia Wurtzbach-Jauncey.

Source: officialtimyap (IG)

Ang mga Filipina na ginawaran ay makatatanggap ng ‘Leaf of Elegance’ trophy na dinisenyo naman ng artist na si Arnel Papa.

Layunin din ng fundraising event na ito ay magbigay ng tulong sa kanilang napiling chosen beneficiary ngayong taon, ang Philippine Society for Orphan Disorders.

Samantala, tingnan ang dazzling looks ni Marian Rivera sa Vietnam: